<p>បូរីអូរស្វាយស្ថិតក្នុងឃុំអូរស្វាយ នៃស្រុកថាឡាបូរិវ៉ាត ហើយទីនេះគឺជារមណីដ្ឋានមួយ ក្នុង<br />ចំណោម រមណីដ្ឋានពេញនិយមជាច្រើនទៀត ដែលភ្ញៀវ ទេសចរជាតិ និងអន្តរជាតិតែងតែ<br /> មានបំណងចង់មកទស្សនា។ តំបន់នេះគឺជាផ្នែកមួយ នៃរាជធានីអាណាចក្រខ្មែរ បុរាណ <br />និងរាប់បញ្ចូល ទាំងរុំាសា (តំបន់អភិរក្ស លិចទឹក) ដែលមានសត្វផ្សោតជាច្រើនរស់នៅតាម<br />បណ្តោយទន្លេមេគង្គ សត្វបក្សាបក្សី សត្វព្រៃ ជាច្រើនរស់នៅតំបន់ព្រៃឈើអភិរក្ស ដែល<br />រាជរដ្ឋាភិបាលអណត្តិថ្មីបាន អភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ ស្ពានយោល វត្តអារាម <br />ដោយរាប់បញ្ចូលទាំងផ្ទះសំណាក់ សាធារណៈ(ផ្ទះសម្រាប់ស្នាក់នៅ) មជ្ឈមណ្ឌលព័ត៌មាន <br />និងកំពង់ផែទូកសម្រាប់ភ្ញៀវទេសចរ។ល។<br />រមណីដ្ឋាន បូរីអូរស្វាយ ប្រៀបបាននឹងត្បូងពេជ្រដ៏មានតម្លៃ ដែលបានផុសឡើងនៅក្នុង<br />ទ្រូងព្រៃ ត្រូពិចពណ៌បៃតង ដែលលាតសន្ធឹងតាមបណ្តោយទន្លេមេគង្គ។ វាបានផ្តល់នូវ<br />សម្បត្តិព្រៃឈើដ៏ ប្រសើរ ដែលជាជំរកដ៏ប្រសើរសម្រាប់សត្វព្រៃ។ ជាពិសេស ហ្វូងបក្សា<br />បក្សី និងជាជម្រកត្រីដ៏ប្រសើរ ក្នុងរដូវវស្សា ហើយមានត្រីផ្សោតដ៏ច្រើន ដែលពេញនិយម<br />សម្រាប់ភ្ញៀវទេសចរ។<br /><br />នៅរដូវប្រាំង ពេលទឹកស្រក ទីនេះបានរំលេចឲឃើញ នូវឆ្នេខ្សាច់ពណ៌សដ៏ស្រស់ស្អាត <br />ដែលលាតសន្ធឹង តាមបណ្តោយដងទន្លេ គួរឲ្យចង់ដើរលេងកំសាន្ត ហើយក៏មានព្រែកជា<br />ច្រើន ដោយមាន ព្រែកខ្លះមានទឹកហូរលឿន ចំណែកព្រែកខ្លះទៀត ក៏មានទឹកហូរយឺត។<br />ចំនែកឯព្រៃចំការស្វាយ ក៏បានរំលេចទេសភាពស្រស់ត្រកាល តាមបណ្តោយដងទន្លេ ជា<br />មួយថ្មផុសដែលបានលេចឡើង យ៉ាងស្រស់ស្អាត។<br />នៅ តាមបណ្តោឆ្នេរទន្លេ ដែលមានទេសភាពស្រស់ត្រកាល និងព្រែកដែលមានទឹកហូរ<br />ខ្មួលខ្មាញ់ ជាញាប់គេតែងតែឃើញមានដានជើងសត្វព្រៃ ដែលមកទីនេះនៅពេលយប់។<br />នៅ ទីនេះមានទឹកមានល្បឿនលឿន ថ្លាល្អ និងធ្លាក់ចុះមកក្នុងកំពស់ប្រាំម៉ែត្រ។ ទឹកដែល<br />ហូរធ្លាក់ជា មួយល្បឿនដ៏លឿននេះ បានផ្តល់ឲ្យទីនេះមាន ទេសភាពល្អប្រណិតគួរជាទី<br />គយគន់សម្រាប់ ភ្ញៀវ ទេសចរមកងូត និងហែលទឹកកំសាន្តយ៉ាងសប្បាយរីករាយ។<br /><br />នៅ តាមបណ្តោយទន្លេមេគង្គ ក្នុងឃុំស្វាយ តំបន់អភិរក្សដីល្បាប់រុំសា ត្រូវបានការពារ<br />ដោយច្បាប់ ជាពិសេសតំបន់ត្រីពង ដែលជាទីកន្លែងផ្តល់នូវការបង្កកំណើតដល់ត្រីរាប់<br />លានក្បាល សត្វបក្សា បក្សី និងសត្វព្រៃដ៏ទៃទៀតព្រមទាំងមានដើមឈើជាច្រើនប្រភេទ<br /> ផ្តល់ឲ្យតំបន់នេះក្លាយជា តំបន់អេកូឡូស៊ីដ៏ធំមួយ។<br />ចំណែកឯផ្លូវថ្នល់បានតភ្ជាប់ពីភូមិមួយទៅភូមិមួយទៀតដោយនៅតាមដងផ្លូវមានរុក្ខជាតិ<br />ដុះអម សងខាងចោលម្លប់ត្រឈឹងត្រឈៃ ព្រមទាំងឆ្លងកាត់ចរន្តទឹកហូរ និង ព្រែកទាំង<br />ឡាយ ដែលមាន ទឹកហូររលេញគួរជា ទីភិសម័យ។<br />តំបន់ព្រៃ ភ្នំទាំងនេះ ត្រូវបានអភរិក្សប្រៀបបាននឹងឋានសួគ៌សម្រាប់អ្នកបររទេះ និងអ្នក<br />ជិះកង់ក្នុងព្រៃ អាចស្តាប់ឭតន្រ្តីធម្មជាតិ នៃសម្លេងសត្វបក្សាបក្សីយំខ្ញៀវខ្ញា និងពេលខ្លះ<br />បានឃើញសត្វព្រៃ រត់ឆ្លង កាត់យ៉ាងសប្បាយរីករាយ។<br /><br />ឃុំអូរស្វាយ មានភូមិចំនួន៥ (ភូមិអូរស្វាយ ភូមិអូររុន ភូមិកោះព្នៅ ភូមិកោះ ហីប និងភូមិ<br /> វឿន សែន ) មានចំនួនផ្ទៃដី ១២០.០០០ហិកតា និង រាប់បញ្ចូលកោះបួនថែមទៀត។ ឃុំ<br />នេះមានប្រជាជន សរុបទាំងអស់ចំនួន ៦៥៨១នាក់ ហើយ៨០ភាគរយ គឺជាកសិករ និង<br />អ្នកនេសាទ ហើយពួកគេ ប្រកបរបរនេះតាមបណ្តោយព្រំប្រទល់កម្ពុជា ឡាវ ។ ឃុំអូរ<br />ស្វាយ មានចំងាយ៥៧ គីឡូម៉ែត្រ ពីផ្លូវជាតិលេខ៧ និង អាចធ្វើដំណើរតាមទន្លេមេគង្គ<br />ដែលហូរឆ្ពោះទៅ ទិសពាយព្យនៃ ក្រុង ស្ទឹងត្រែង៕</p>
<p>សូមទស្សនា រូបភាព ខាងក្រោម!!!</p>
<p><a class="thickbox" title="" href="/FileManager/Commons/2013/10/16/1-16-10-2013--13-34-29.jpg"><img src="/FileManager/Articles/mce/2013/10/16/1-16-10-2013--13-34-29.jpg" alt="" /></a></p>
<p><a class="thickbox" title="" href="/FileManager/Commons/2013/10/16/2-16-10-2013--13-34-38.jpg"><img src="/FileManager/Articles/mce/2013/10/16/2-16-10-2013--13-34-38.jpg" alt="" /></a></p>
<p><a class="thickbox" title="" href="/FileManager/Commons/2013/10/16/3-16-10-2013--13-34-47.jpg"><img src="/FileManager/Articles/mce/2013/10/16/3-16-10-2013--13-34-47.jpg" alt="" /></a></p>
<p><a class="thickbox" title="" href="/FileManager/Commons/2013/10/16/4-16-10-2013--13-34-56.jpg"><img src="/FileManager/Articles/mce/2013/10/16/4-16-10-2013--13-34-56.jpg" alt="" width="472" height="267" /></a></p>
<p style="text-align: right;">ដោយ៖ វណ្ណៈ<br />ប្រភព៖ tourismcambodia</p>